Səyahət sığortasını çoxu adam viza üçün alınan bir kağız kimi görür. Ucuzunu götürürsən, konsulluğa verirsən, bitdi. Sonra kimsə Avstriyada xizəkdə ayağını sındırır və məlum olur ki, həmin sığorta idman zədəsini ödəmir. Aşağıda bu sənədin nəyi əhatə etdiyini, nəyi etmədiyini və hansı rəqəmlərə baxmaq lazım olduğunu yazmışam.
Səyahət sığortası nəyi ödəyir
Əsas hissə təcili tibbi yardımdır. Qəflətən xəstələnsəniz və ya zədə alsanız, həkim baxışı, dərman, xəstəxanada yatmaq və lazım gələrsə təcili əməliyyat ödənilir. Buraya təcili diş ağrısı da daxildir, amma yalnız ağrını kəsən müdaxilə səviyyəsində, protez yox.
İkinci hissə repatriasiyadır, yəni ağır halda xəstəni vətənə gətirmək. Bu, ən bahalı xidmətdir və məhz ona görə sığorta vacibdir. Bəzi polislər bagajın itməsini, reysin ləğvini və hüquqi yardımı da əhatə edir, amma bunlar həmişə daxil olmur, ayrıca yoxlanmalıdır.
Səyahət sığortası nəyi ödəmir
Xroniki xəstəliklər standart polisdə demək olar həmişə istisna edilir. Şəkərli diabet, ürək xəstəliyi və oxşar hallar üçün ayrıca genişləndirmə lazımdır. Hamiləlik də müəyyən həftədən sonra istisnaya düşür, adətən iyirmi səkkizinci həftədən sonra.
İkinci böyük istisna aktiv istirahətdir. Xizək, dalğıclıq, motosiklet, dağa dırmanma və hətta velosiped bəzi polislərdə əhatə olunmur. Xizəkə gedirsinizsə, polisdə “qış idman növləri” yazısını axtarın, yoxdursa əlavə ödəniş edib əlavə etdirin. Üçüncüsü isə spirtli içki və ya narkotik təsiri altında baş verən hadisələrdir, onlar heç bir halda ödənilmir.
Hansı rəqəmlərə baxmaq lazımdır
| Şengen üçün minimum | 30 000 avro təminat, bütün Şengen ərazisi |
| Amerika və Asiya | 50 000–100 000 dollar tövsiyə olunur |
| França, yəni öz payınız | 0 ən yaxşısıdır, 50–100 avro adi haldır |
| Qiymət | Həftəlik səfər üçün 8–25 avro |
França sözü polisdə çox vaxt gözdən qaçır, halbuki mənası budur, ilk elli avronu özünüz ödəyirsiniz. Ucuz polislərdə bu rəqəm böyük olur və kiçik hadisələrdə sığorta faktiki olaraq işləmir. Polisi alarkən əhatə dairəsinin viza müddətini tam örtdüyünə də baxın, bir gün əskik olsa, konsulluq qəbul etmir.
Ətraflı oxu: Şengen ölkələri səyahət bələdçisi: bir viza ilə 29 ölkə, marşrut seçimi, qatarlar və büdcə
Hadisə baş verəndə nə etməli
Birinci addım xəstəxanaya getmək deyil, sığorta şirkətinin çağırı mərkəzinə zəng etməkdir. Nömrə polisin üstündə yazılıb, onu telefonun yaddaşına səfərdən əvvəl köçürün. Şirkət sizi razılaşdırılmış klinikaya yönləndirir və ödənişi birbaşa özü edir.
Zəng etmədən müalicə olunsanız, pulu özünüz ödəyirsiniz və sonradan qaytarılma çətinləşir. Bütün qəbzləri, həkim arayışını və analiz nəticələrini saxlayın. Ölkə üzrə səfər tövsiyələri və konsulluq dəstəyi barədə məlumat Xarici İşlər Nazirliyinin saytındadır.
Son söz
Səyahət sığortası viza üçün alınan kağız yox, xaricdə sizi böyük məbləğdən qoruyan sənəddir və fərq bir neçə avroluq seçimdədir. Təminat məbləğinə, françaya və istisnalara baxın, nömrəni telefona yazın. Viza sənədlərini birlikdə hazırlamaq üçün müraciət formasını doldurun.
Qeyd: Şərtlər sığorta şirkətinə görə dəyişir, polisi almazdan əvvəl istisnalar bölməsini oxuyun.
